Navenda Nûçeyan- Li gorî daxuyanîyeke Parêzgarîya Wanê, ji ber “sedemên ewlekarîyê” li sînorê wê parêzgehê, hemû coreyên çalakîyan heya 15 rojan hatine qedexekirin.
Di daxuyanîyê de hatîye gotin, hemû coreyên çalakîyên wek xwepêşandan, meş, daxuyanîyên rojnamevanî, vegirtina konan û kombûn, ji bo dema 15 rojan têne qedexekirin.
Parêzgarîya Wanê îdia kirîye, ku ew biryar ji bo “parastina asayişa giştî” û “rêgirtin li belavbûna bûyerên tundûtûjîyê” hatîye dayîn.
Bi gorina Parêzgeha Wanê, ji îro Çarşemê ve ew biryar dikeve warê cîbicîkirinê, û heya 8ê meha 1 a sala 2020an, ew qedexe dê berdewam be.
Ji sala 2016an ve bê navber li parêzgeha Wanê ya Bakurê Kurdistanê qedexeya çalakîyan tê dirêjkirin.