Navenda Nûçeyan - Parêzgarîya Wanê ragihand ku îro duşemê 8ê Hezîrana 2020an, li herêma Giresorê ya navçeya Şaxê, derdora saet 18.00ê êrişek li dijî servîsa karkerên çêkirina rê hat encamdan.
Li gor daxuyanîya ew êriş bi teqemenîyeke pêştir li ser rê hatibû vedan hatîye pêkanîn û di encamê de 2 karkeran canê xwe ji dest dan û 8 karker jî birîndar bûn.
Cenazeyê herdu kesên hatin kuştin û her 8 birîndaran bi helîkopteran, bo Nexweşxaneya Dewletê ya Şaxê hatin veguhestin.
Piştî bûyerê li herêmê hêzên ewlehîyê yên Tirkîyê dest bi operasyoneke berfireh kirin.
Parêzgarîya Wanê di daxuyanîya xwe de dibêje ku ew êriş ji alîyê PKKê ve hate encamdan, lê heta niha PKKê derbarê bûyerê de ti daxuyanî nedaye.