Navenda Nûçeyan - Li Wanê gundek û 2 mezra ji ber vîrusê hatin kerentînekirin.
Li gor zanyarîyan, li qezaya Elbakê ya Wanê Gundê Esenyamaç û li navçeya Şaxê ya Wanê mezrayên Çemik û Tellîkaya ji ber belavbûna vîrusa Koronayê hatin kerentînekirin.
Hatîye ragihandin, welatîyê ku ji Stenolê hatibû gundê Esenyamaçê yê Elbaka Wanê ji ber rewşa wî ya tendirustîyê rakirin nexweşxaneyê û testa Koronayê jê hatîye wergirtin. Piştî pişkinînê derketîye holê ku ew kes bi vîrusa COVID-19 ketîye û li nexweşxaneyê hatîye razandin.
Piştî tûşbûna wî kesî, gundê Esenyamaç hat kerentînekirin.
Herwiha li navçeya Şaxê ya Wanê haleteke tûşbûna bi vîrusa Koronayê hatîye tomarkirin. Ji ber vê yekê jî mezrayên Çemîk û Tellikaya yê girêdayî gundê Alacayerê hatin kerentînekirin.
Gundê Xanê yê qezaya Ebaka Wanê jî 4 roj e ji ber vîrusa Koronayê di kerentîneyê de ye. Welatîyê ji Stenbolê hatibû Xanê di xwina wî de vîrus hat dîtin û ji 27ê Adarê ve heta niha ew gund di kerentîneyê de ye.
Rudaw