Navenda Nûçeyan - Wezîrê Tendirustîya Tirkîyê Fexredîn Koca amara ragihand, di 24 demjimêrên bûrî de 1 hezar û 639 kesên din bi koronayê ketin û 58 kesan jî canê xwe jidest dan.
Bi vî awayî li Tirkîyê û Bakurê Kurdistanê hejmara kesên bi Koronayê ketine gihişt 143 hezar û 114 kesan û hejmara kesên canê xwe jidest dane jî 3 hezar û 952 kesan.
Herwiha kesên ji vîrusa Koronayê baş bûne jî, gihştîye 101 hezar û 715 kesan.
Ev di demekê de ye, Serokomarê Tirkîyê Recep Tayîp Erdogan qedexeya derketina derve li 24 parêzgehên Tirkîyê û Bakurê Kurdistanê ji bo 16, 17, 18 û 19'ê Gulanê ragihand.