Navenda Nûçeyan- Li ser şaredarîyên hersê navçeyên Peyas, Bismil û Karas ên ser bi parêzgeha Amedê ve qeyûm hatin erkdarkirin. Herwiha li Şaredarîya Erdîş a Wanê jî qeyûm hatîye erkdarkirin.
Danîna qeyûman li ser şaredarîyên Bakurê Kurdistanê yên di destê Partîya Demokratîk a Gelan (HDP) de berdewam e.
Hikûmeta Tirkîyê îro ragihand, li ser şaredarîyên hersê navçeyên Peyas, Bismil û Karas ên ser bi parêzgeha Amedê ve qeyûm hatin danîn.
Derbarê serokên wan şaredarîyan de bi tohmeta hebûna pêwendî û alîkarîya rêxistina terorê, lêpirsîn hatîye destpêkirin.
Herwiha li navçeya Erdîş a Wanê jî qeyûm li ser şaredarîya wê navçeyê hatîye danîn. Li gor biryara hikûmeta Tirkîyê, Qaymeqamê Erdêşî, Nûrî Mehmet Beyoglu weke qeyûm hatîye dîyarkirin.