Navenda Nûçeyan - Li gor agahîyan, çekdarên wê grûpê piştre dest danîne ser mulkê wan welatîyan û mulkên wan bi kirê dane erebên ku ji deverên din ên Sûrîyê li herêmê hatine bicihkirin.
Rêxistina Mafê Mirovan a Efrînê navê 7 welatîyan belav kirîye, ku grûpa Emşat li nahîyeya Şîyê dest danîye ser mal û dikanên wan û bi kirê dane Ereban.
Herweha çekdarên Emşat baca bi zorê li ser cotkarên herêma Efrînê ferz kirin û kesên ku rezê wan ên tirî hene, divê ji sedî 15 ji berhemên xwe bidin wan çekdaran.
Grûpa çekdarî ya Emşat, yek ji grûpên çekdar ên opozisyona Sûrîyê ye ku Tirkîye piştgirîya wan dike û piştî dagîrkirina Efrînê, li hin deverên wê herêma Rojavayê Kurdistanê bicih bûne û zordarîyê li xelkê resen ên Efrînê ku Kurd in, dikin.
Fermandarê wê grûpê kesek bi navê Ebû Emşe ye.