Navenda Nûçeyan
Walîtîya Şirnexê aşkere kirîye ku xwenîşandan, meşên protestoyî, vekirina konan û daxuyanîyên çapemenîyê jî di nav de li navend û navçeyan heta 15 rojan hemû çalakî qedexe kirîye.
Walîtîyê di daxuyanîya xwe de wiha gotîye:
“Bi armanca dabînkirina ewlehîya netewî, parastina sîstem û ewlehîya civakê, pêşî li sûckirinê bigirin, parastina maf û azadîyên giştî û kesên din, dabînkirina ewlehîya rêwî û hatûçûnê ya giştî, pêşî li bûyerên tundkarîyê û her cure rewşên neyênî” li gorî Xala 11/Cyê ya Qanûna Birêvebirina Bajaran a Hejmar 5442yê û Xala 17em a Qanûna Civîn, Meş û Xwenîşandana a hejmar 2911ê, ji 1ê Çirîya Pêşîyê ya 2019ê û pê de heta 15 rojan biryara qedexeyê standîye.