Li Şingalê goreke din a bikom a Kurdên Êzdî hat dîtin û termên 6 kesan têde ne.
Li gor zanyariyan, gora bikom dikeve nêzîkê Rêveberiya Polîsên Şingalê û piştî dîtinê wê gorê, termên 6 Kurdên Êzdî têde hatin dîtin. Li gor belgenameyên wan kesên di nav gora bikom de ne, hemû akinciyên Şingalê ne.
Heta niha 81 gorên bikom li sînorê navçeya Şingalê hatine dîtin, 17 gorên bikom hatine vekirin û termên 235 kesan di nav wan goran de bûn.
Term bo Pizîşkiya Dadê hatine şandin û lêkolîn li ser wan tê kirin.
Tîmekî Neteweyên Yekbûyî bi dîtina gorên bikom û belgekirina tawanên DAIŞê dijî Kurdên Êzdî ve mijûl e.