Navenda Nûçeyan - Berdevkê berevanîya bajar li Duhokê Bêwar Ebdulezîz ji BasNewsê re ragehand: ‘’Derengê şeva borî 25.05.2020ê ango roja duyem a cejna Remezanê de ciwanekî di rûbarê Xazirê de jîyana xwe ji dest da û xeniqî û heta naha termê wî nehatîya dîtin.’’
Herwaha got: ‘’Navê wî ciwanî Ehmed Muhsîne û 20 salîye. Herwaha koçbere, li sînorê parêzgeha Duhokê jîyana xwe derbas dikir.’’
Navborî got: ‘’Ew ciwan li wargeha Çire ya sînorê qeza Şêxanê li ser ava Xazirê xeniqî ango li ber avê çû, herçend tîmên me û xelkê deverê li termê wî digerin jî heta naha termê wî nehatîye dîtin.’’