Navenda Nûçeyan- Li parêzgeha Urmîyê di bûyereke trafîkê de 4 kesan canê xwe ji dest dan û kesek jî birîndar bû.
Rêveberê Polîsê Mihabadê, Birzo Ticarî ragihand, roja Pêncşemê li ser rêya di navbera Mihabad-Urmîyê de bûyereke trafîkê çê bû.
Birzo Ticarî dîyar kir, bûyer li sêrêya Kose Karêzê di navbera kamyoneke ji curê ISUZU û otomobîleke ji curê Semend de çêbû û di encamê de 4 kesan canê xwe ji dest dan, û kesek jî ku şofêrê kamyonê ye, birîndar bû.
Rêveberê Polîsê Mihabadê da xuyakirin, piştî agahdarbûna ji rûdana bûyerê, tîmên hawarçûnê û hêzên polîs bo cihê bûyerê hatin şandin.