Navenda Nûçeyan- Danîna qeyûman li ser şaredarîyên bajarên Kurdan berdewam e. Şaredarên navçeyên Bêgir, Elbak û Qelqelîyê yên Wanê û bajarokê Îkîkopru li navçeya Qûbîna Êlihê li Bakurê Kurdistanê ji alîyê Wezareta Navxwe ya Tirkîyê ve ji kar hatin dûrxistin û li şûna wan qeymeqamên wan navçeyan weke qeyûm hatin danîn.
Di operasyoneke hêzên Tirkîyê de hevaredarên Qelqelîyê Dîlan Orencî û Yakup Amaç, hevşaredarên Bêgirîyê Yilmaz Şalan û Leyla Balkan û Hevşaredarê Elbakê Erkan Acar hatibûn desteserkirin.
Hatibû ragihandin, ew kes di çarçoveya lêpirsînê de ku Serdizgarîya Komarî ya Wanê di derheqê wan de destpê kiribû, hatine desteserkirin.
Pêştir hevserokên 24 şaredarîyên Bakurê Kurdistanê yên di destê HDPê de hatibûne girtin û hikûmeta Tirkîyê qeyûm li ser wan şaredarîyan danîbû.