Li Serê Kaniyê ya Rojavayê Kurdistanê hêzeke taybet bi Ermeniyan di çarçoveya ketîbeyekê de hat damezrandin û ev ketîbe dê di bin sîbera Hêzên Sûriya Demokratîk (HSD) de kar bike.
Ketîbeya Nûbar Ozaniyan yekem ketîbeya Ermaniyan e ku ji 30 serbazên Ermenî yên Rojavayê Kurdistanê pêk tê.
Ermeniyên li Rojavayê Kurdistanê dibêjin, dema ku Osmaniyan ferman bi serê wan anîn, ew koçberî deverên Kurdan bûne û Kurd wan ji kuştin û sîtemkariya Osmaniyan parastiye.
Hejmarek ji Ermeniyan jî weke bi hezaran ji Kurdên Rojavayê Kurdistanê berî sala 2011an li Sûriyê bê nasname bûn, ango weke biyanî dihatin dîtin.