Navenda Nûçeyan- Parlamenterê îtalî yê bi navê Angelo Ciocca, li civîna Parlamentoya Ewropayê, li dijî êrîşa Tirkîyê ya bo ser Rojavayê Kurdistanê nerazîbûna xwe nîşan da û got, “Tirkîye bi ser xelkê sivîl ê li bakurê Sûrîyê bombeyan dibarîne.”

Wî parlamenterê Îtalî herwiha got, “Em ji kesên destbixwîn û piştevanên terorê diyarîyan qebûl nakin” û ew paketa çîkolatayê ku parlamenterên tirk weke dîyarî bo biribûn, avêt erdê.

Angelo Ciocca dîmenên ku ew çîkolata avêt erdê li ser hesaba xwe ya Twîtterê belav kirin û li ser wê çîkolataya ku hat avêtin jî wiha hatibû nivîsandin, “Li Ewropayê na bo tirkan.”