Navenda Nûçeyan- Li bajarê Ormîyê yê Rojhilatê Kurdistanê, du girtîyên kurd, ku her du jî birayên hev bûn, hatin bidarvekirin.
Malpera Hengaw ragihandîye, îro danê sibê du kes li girtîgeha Ormîyê hatin bidarvekirin.
Li gorî agahîyan, ew du kesên han ku birayên hev bûn, 5 sal berê di şerekî de du kes li gundê Pîrgul yê Ormîyê kuştibûn û hatibûn girtin. Dadgehê jî fermana mirinê wan dabû.
Ew kesên ku hatine bidarvekirin, ev in: Darûş Derwîşpûr (35 salî) û Daniş Derwîşpûr (27 salî). Xelkê gundê Dileder yê Ormîyê bûn. Yên ku hatibûn kuştin jî, Akif û Kemal Yûsifî û xelkê gundê Pîrgulê bûn.
Basnews