Navenda Nûçeyan- Walîtîya parêzgeha Wanê ya Bakûrê Kurdistanê ragihandîye, derengîya şeva borî qayîkek, ku tijî penaberên qaçax bû û dixwastin ji Wanê derbasî parêzgeha Mûşê bibin, li nav gola Wanê de û li nêzîkî navçeya Adilcewaz ya Bitlîsê ket binê avê.
Walîtîyê daye zanîn, di wê rûdanê de 7 penaber mirin û 64 kes jî hatin rizgarkirin û girtin.
Li gorî agahîyên walîtîyê, tevahîya penaberên han xelkê Pakistan, Bengladêş û Efxanistanê bûn û dixwastin derbasî alîyê din yê gola Wanê bibin.
Basnews