Li Mêrdînê dê Yekemîn Pêşangeha Pirtûkan bê lidarxistin.
Li gorî daxuyaniya Şaredariya Bajarê Mezin, gelek weşanxane, nivîskar, helbestvan, pêşkêşvan, derûnnas û rojnamevan dê beşdarî pêşangehê bibin.
Pêşangeh dê li Qada Fuarê ya Artukluyê ya Mêrdînê bê lidarxistin, qasî 70 weşanxane dê stantên xwe ava bikin û pirtûkên ku tên hezkirin bifiroşin.
Di pêşangehê de nivîskar dê pirtûkên xwe îmze bikin û panel jî dê çêbibin.
Pêşangeh dê 19ê Sibatê dest pê bike û heta 28ê Sibatê berdewam bike.
Kesên bixwazin herin pêşangehê dê bikaribin di navbera saet 09.00-20.00î de lê bigerin.