Li bajarê Ehwaz yê Îranê, bazirganekî kurd rastî êrişa hêzên polîs hat û hat kuştin.
Dezgeha mafên mirova ya Hengaw ragihandiye, duhî hêzên polîs li bajarê Ehwaz yê Îranê, otomobîla bazirganekî kurd, bi behaneya ku barên qaçax lê bar kiriye, dan ber fîşekan.
Li gorî agahiyan, di encama wê êrişê de ew bazirganê kurd hat kuştin.
Navê wî bazirganê kurd Mîlad Fethî û xelkê bajarê Kamyaran yê Rojhilatê Kurdistanê bû.
Bajarê Ehwazê, navenda eyaleta Xûzistan ya Îranê ye û dikeve başûrê rojavayê Îranê. Xelkê wê hemû ereb in.