Li Îranê 132 kesên din bi Koronayê can dan û zêdetirî 2300 kesên din jî pê ketin.
Berdevka wezareta tenduristiya Îranê, dr. Sîma Larî ragihand, di nav 24 saetên borî de 132 kes li Îranê bi Koronayê mirine û hejmara miriyan gihîştiye 22 hezar û 542 kesan.
Dr. Sîma Larî her wiha da zanîn, ji duhî de 2 hezar û 302 pêketiyên Koronayê jî hatine tomarkirin û hejmara pêketiyan gihîştiye 391 hezar û 112 kesan.
Bi gotina wê berpirsa Îranî, heta niha 337 hezar û 414 nexweşên Koronayê baş bûne.