Navenda Nûçeyan - Duhî ji bo birêvebirina gereke çavdêrîya ya hevbeş a hêzên Rûsî û Tirkî li ser rîya M4 li herêma Idlib ya Sûrîyê, Tirkîyê hêzeke mezin li ser rîya M4 kom kir û xwast komên çekdar ji ser rê rake û xelkê nerazî yên kom bûne, belav bike.
Li gorî agahîyên sazîya mafên mirov ya Sûrîyê, ji ber wê yekê pevçûn di navbera wan de derket, hêzên Tirkîyê 2 kes kuştin, herwiha firokeyeke bêfirokvan a Tirkîyê otombîleke çekdarên Cebhet El Nusra (Heyet Tehrîr Şam) bombebaran kir û di encamê de 2 çekdarên El Nusra hatin kuştin û 3 çekdar jî birîndar bûn.
Li gorî agahîyan, çekdarên El Nusra jî êrîşî xala çavdêrîyê ya Tirkîyê li navçeya Neyrebê kirin û hejmarek serbazên Tirkîyê birîndar kirin. Ew birîndar jî bi Helîkopteran bo Tirkîyê hatin guhastin.
Ji roja 13ê Adarê ve, wek nerazîbûn li ser birêveçûna gerên hevbeş ên hêzên Rûsî – Tirkî li başûrê Idlibê, hejmarek kes li ser rîya navdewletî ya M4 li başûrê Idlibê kom bûne û çadir vegirtine û rêgirîyê li gerên Rûsî – Tirkî dikin.