Televîzyona – Al Xeber- ku nêzîkî rejîma Esed e, tekezdike ku neh patriyên kurd ku di nav wan de, PYD, Al Wehdê ya Muhiyeddîn Şêx Alî û Partiya Pêşverû ya Hemîdê Hecî Derwîş jî hene, li gel çend berpirsên pilebilind ên dezgeha sixuriya Sûriyê ku behtir mîna "Îstixbarat" tê naskirin civîyane.
Li gor nûçegehanê heman televîzyonê li Cizîrê, ev civîn li binkeya leşkeriya rûsî "Hmêmîm" ku ne gelekî dûrî bajarê Laziqiyê ye hatiye lidarxistin û li çavdêriya Rûsyayê de hatiye birêveçûn.
Di civînê de pirsên siyasî û civakî yên peywendîdar bi pirsa kurd li Sûriyê hatine gengeşekirin.
Jêderên Rûdawê, ji aliyê xwe ve destnîşan dikin ku, di vê civînê de tenê berpirsên partiyên "rêveberiya Xweser" beşdarbûne. Li gor Rûdawê, şandeya kurd ji van kesên ku navê wan li jêr rêzkirî ne, pêkhatiye:
Fewziya Yûsif (serokê şandeyê) û endamêtiya her yek ji: Hediya Yûsif, Mihemedê Mûsê, Salih Gedo, Abdulkerîm Omer, Enwer Muslim, Hêvîn Mistefa û Ahmed Bedran Omer.
(E.B)