Jiber koronavîrusê demeke dirêj e balafirgehên Herêma Kurdistanê nedihatin bikaranîn. Li gor daxuyanîya Wezîrê Veguhastin û Gihandinê yê Herêma Kurdistanê Ano Cewher, ji roja 1ê Tebaxê ve geştên esmanî li her du balefirgehên Hewlêr û Silêmanîyê destpê dikin.
Ano Cewher dîyar kir, piştî temam kirina amadekarîyan û girtina rêkarên tendirustîyê, li ber ronahîya biryara Desteya balefirvanîya sivîl a Iraqê, li Herêma Kurdistanê jî dest bi geştên esmanî ber bi welatên cîhanê ve destpê dikin.
Bi vekirina balefirgehên Hewlêr û Silêmanîyê re, geştên esmanî, tevgera aborî û mirovî di navbera Herêma Kurdistanê û welatên cîhanê de destpê dikin.
Ji destpêka derketina nexweşîya Koronayê li Iraq û Herêma Kurdistan û wek rêkarên xweparazîyê û rêgirtina li belavbûna vîrusa Koronayê, bi biryara Desteya Balefirvanîya Sivîl ya Iraqê, biryara ragirtina geştên esmanî hatibû dayîn, tenê geştên dîplomatkarên bîyanî dihatin kirin.