Wezîrê tenduristiya Kurdistanê, dr. Saman Berzencî îro piştî civîna ligel nojdarên pispor û nûnerê rêxistina tenduristiya cîhanî (WHO), ragihand, di nav 24 saetên borî de bilindtirin rêjeya pêketina bi Koronayê hat tomarkirin.
Dr. Saman Berzencî da zanîn, di nav 24 saetên borî de hezar û 308 kes bi Koronayê ketine û 17 kes jî bi Koronayê mirine.
Dr. Berzencî da zanîn jî, ji duhî de 246 nexweşên Koronayê jî baş bûne.
Li gorî amarên han, hejmara kesên ku li Herêma Kurdistanê bi Koronayê ketine, gihîşt 66 hezar û 131 kesan. 38 hezar û 807 kes ji wan baş bûne û 2 hezar û 243 kes jî mirine.