Hate ragihandin ku çekdaran li stasyona Bexdayê ya li Helebê otombîlên welatiyên Efrînê rawestand û bi dehan Kurdên ji Efrînê bêyî ti sedemekê nîşan bidin revandin.
Li gorî ragihandina çavkaniyên xwecihî, çekdarên nasnameya wan diyar nebûye, îro 4ê Sibatê li stasona Bexdayê ya Helebê otombîlên welatiyên ku ji Efrînê bûn rawestandin.
Hate diyarkirin, çekdaran îşkence li hinek ciwanan kir û bi dehan Kurdên ji Efrînê jî desgîr kirin.
Li gorî çavkaniyan,. sedema girtina xelkên Efrînê ne diyar e û çekdaran ew birine cihekî nediyar.
Heta niha jî nehatiye zanîn bê ew çekdar girêdayî kîjan hêzê ne ku welatî revandine.