Îro li gundê Îslah ê ser bi bajarokê Gulale ve bombek li nav zeviyeke çandiniyê de teqiya û di encamê de 2 kes bi giranî birîndar bûn.
Berpirsê Binkeya Asayişa Gulaleyê, Neqîb Mihemed Saman ragihand: “Ev bombe bi du cotkaran de teqiyaye û di encama teqînê de herdu kes bi giranî birîndar bûne.”
Mihemed Saman got, herdu kesên ku ji ber teqînê birîndar bûne, welatiyên Ereb in û bo Nexweşxaneya Giştî ya Xaneqînê hatine veguhastin.
Berpirsê Binkeya Asayişa Gulaleyê diyar kir, “birîna yek ji wan kesan dijwar e û rewşa tendirustiya wî nebaş e.”
Di 72 saetên bihorî de, ev sêyemîn bomb e ku li vê deverê diteqe. Şeva bihorî jî bombek bi otomobîla berpirsê binkeya Asayişa Koleco de teqiyabû, lê belê ti ziyanên canî çênebibûn.