Navenda Nûçeyan- Berdevkê polîsê Hewlêrê, Hogir Ezîz ji BasNewsê re got, îro danê sibê em hatin agahdarkirin ku çend term li taxa Enkawe ya Hewlêrê hatine dîtin.
Hogir Ezîz her wiha got, piştî ku hêzên polîs çûn, sê term li malekê de hatin dîtin. Yek ji wan terman yê jineka 37 salî bû, termekî din yê kurekî 18 salî bû û yê din jî yê keçeka 15 salî bû. Ew keç û kur zarokên wê jinkê bûne.
Wî efserê polîs anî ziman ku heta niha nizanin çi hatîye serê wê malbatê û got, lêkolîn û lêpirsîn dest pê kirine. Ew malbat, xelkê parêzgeha Neynewa bûne lê ji ber şerê DAIŞê koçberî Enkawe bûne.
Basnews