Roja 9ê vê mehê grûpeke çekdar welatiyê bi navê Mihemed Henîf Husên ê ji gundê Bilêlko piştî revandina wî di bin eşkenceya hovane de hat kuştibû.
Rewangeha Sûrî da zanîn, dema birayê Mihemed Henîf Husên derbarê kuştina birayê de xwe de doze veke û daxwaza lêpirsînê kiribû, lê ew ji aliyê Polîsa Leşkerî ya li navçeya Reco hate revandin û ti zanyarî li ser cihê wî nîn e.
Ji dema dagîrkirina Efrînê ji aliyê artêşa Tirkiyê û grûpên çekdar ve di 18ê Adara 2018an de, ta niha zêdetir ji 40 kesî di bin eşkenceyê û bi guleyên rasterast ên çekdaran ve hatine kuştin, lê ta niha ti lêpirsîn di derbarê wan tawanan de nehatine vekirin û tawanbar bê lêpirsîn dimînin.
K24