Navenda Nûçeyan - Herî dawî, roja 18ê vê mehê çekdarên grûpa El-Weqas, bi fermandarîya Mihemed Ebdo el-Şewa, pîrejina Kurd Fatime Ibrahîm Kinê ya 80 salî, di nav mala wê de îşkence kiribûn û kuştibûn.
Ji sala 2018an ve 5 pîrejinên Kurd li ser destê grûpên çekdar ên ser bi Tirkîyê ve hatine kuştin;
Fatime Ibrahîm Kinê a temen 80 salî xelka gundê Hêgiçê ser bi Cindirêsê ve, roja 18.04.2020 li ser destê grûpa Weqas û Semerqend hat kuştin
Hûrîye Mihemed Bekir a temen 78 salî, xelka gundê Qitmê ser bi Şera ve, roja 6ê îlona 2019an li ser destê grûpa el-Cebhe el-Şamîye hat kuştin.
Sultane Xelîl Nasro a temen 60 salî, xelka gundê Beradê ser bi Şêrawa ve, roja 7ê tîrmeha 2019an, li ser destê Ebû Elî Heyanî fermandarê grûpa el-Hemzat hat kuştin.
Ayşe Nûrî Henan a temen 80 salî, xelka gundê Birc Evdalo ser bi Efrînê ve, roja 8ê mijdara 2018an li ser destê çekdarên Hemzat hat kuştin.
Fatime Hemkê a temen 66 salî, xelka gundê Qitmê ser bi Şera ve, roja 27ê hezîrana 2018an bi bombeyeke destî yê grûpên çekdar hat kuştin.
Rudaw