Navenda Nûçeyan- Rêxistina Mafên Mirovan li Efrînê di raportekê de belav kir, gûrûpa Feyleq El Şam pêr welatîyê bi navê Reşîd Sîdo ji gundê Meydankê revandîye.
Herwiha îstixbarata Tirkîyê jî roja 5ê vê mehê mamosteyê dibistana Meydankê Ciwan Cebir revandîye û çarenivîsa wî ne dîyar e.
Her li gundê Meydankê, çekdarekî gûrûpa Sultan Murad destê xwe danî ser mala pîrejina bi navê Dîya Reşîd ew bi darê zorê ji malê derkir û tê de bicih bû, di encama kiryarê de jî Dîya Reşîd nexweş bûye û rewşa wê gelekî xirap e.
Rêxistina Mafên Mirovan ragihand jî, grûpên çekdar 130 darên zeytûnan li navçeya Mabeta û gundê Dargîrê qut kirin.