Navenda Nûçeyan - Bûyer roja Duşemê piştî nîvro li Taxa Sucuzade ya Seyhanê qewimî.
Li gor îdîayan, ciwanê Sûrî bi nave Ekî el-Hemdan, dema dibîne hêzên polîs li wê taxê ne, bi nav kolanan de direve û herçiqas polîs daxwazê jê dikin ku raweste, lê ew her direve.
Li gor wan zanyarîyan, piştre hêzên polîs teqe li wî ciwanê Sûrî tê kirin û bi giranî birîndar dibe.
Piştî tîmên tendirûstîyê dighin cihê bûyerê, ciwanê Sûrî bo nexweşxaneyê tê veguhestin, lê ji ber birîna wî dijwar bûye li nexweşxaneyê canê xwe ji dest dide.
Nasnameya wî ciwanê Sûrî ku li Edenê hatîye kuûtin, nehatîye aşkerekirin.
Li gor medyaya Tirkîyê, polîs derbarê bûyerê de lêkolîn destpê kirîye.