Navenda Nûçeyan- Walîtîya Mêrdînê aşkere kiriye ku li taxên Çataltepe, Adak, Doganci û Develîyê yên navçeya Dêrikê heta fermaneke din, derketina derve hatîye qedexekirin.
Di heman daxuyanîyê de hatiye dîyarkirin ku li van her çar taxan wê operasyon li dar bikeve. Nayê zanîn ku wê qedexe kengî bidawî bibe.
Mêrdîn duyem bajar e ku herî zêde qedexe lê hatîye ragihandin
Weqfa Mafên Mirovan a Tirkîyeyê eşkere kirîye ku ji 16ê Tebaxa 2015ê heta 1ê Tîrmeha 2019ê li 11 bajar û 51 navçeyan ya kêm 369 caran bi awayekê fermî derketina derve hatiye qedexekirin.
Li Amedê 214 caran, li Mêrdînê jî 54 caran biryara qedexeyê ya derketina derve hatiye dayîn.
Çavkanî: Bîanet