Duhî li devera Ezba ya bajarê Dêrazorê bi sedan kes li dijî hebûna hêzên Îranî, Rûsî û Sûrî li devera xwe meşîyan.
Di meşê de pankartên wekî “Îran û Rûsya ji xak û malên me derxînin”, “Şêxên eşîrên me yên ku daxwaze hilweşandina hikûmeta Şamê nekin nûnertîya me nakin” û “Ji mezhebperestîyê re na” hatin hildan.
Her wiha bang li hevpeymanîya navdewletî û Hêzên Sûrîyeya Demokratîk hat kirin ku “Milîsên Îranê” ji rojhilatê Firatê derxînin.
Ev demek e li gundewarên Dêrazorê xwepêşandan ji bo derxistina “Milîsên Îran, hêzên rêjîma Sûrîyê û hêzên Rûsyayê” ji Dêrazor û rojhilatê Firatê tên lidarxistin.
Xwepêşanderan dîyar kirin ku ewê her înî di nava çalakîyan de bin heta daxwazên wan bi cih werin.