Biryara qedexeyê ji alîyê Walîtîya Colemêrgê ve hatîye ragihandin.
Li gor daxuyanîya nivîskî ya Walîtîya Colemêrgê, li sînorê wê parêzgehê heta 15 rojan çalakîyên wek daxuyanîyên çapemenîyê, çalakîya rûniştinê, vedana çadiran, belavkirina broşûran, greva birçîbûnê û çalakîyên wiha hatine qedexekirin.
Walîtîyê dîyar kirîye: “Ji xeynî çalakîyên ku Parêzgarî û Qeymeqamî rê dide wan, li sînorê Colemêrgê û bajarokên wê, ji 20 Temûza 2020 heta 3ê Tebaxa 2020, bo dema 15 rojan li meydan, ser cade, kolan, rê û parkan, mitîng, civînên li cihên vekirî, meş, çalakîya rûniştinê, protesto, greva birçîbûnê, vedana çadiran, daxuyanîyên çapemenîyê, vekirina hemû corên stantan, konser, belavkirina broşûran û hemû çalakîyên wiha hatine qedexekirin.”
Di daxuyanîyê de tê gotin ku qedexe roja 3ê Tebaxê bi dawî dibe û belavkirina broşûrên ticarî serbest e.