Birîna daran a ku mehên borî li herêma çiyayê Cûdî dest pê kiribû, hê jî didome. Birîna daran ku ji aliyê cerdevanan ve tê kirin, li gundên Cifane, Nerex, Gilindor û Nêvava yên girêdayî navenda Şinrexê û li gundên Sorbitnê û Bêşêrê yên aliyê navçeya Silopyayê didome. Dîsa li qadên Gûrariştê, Gera Rûviya, Şikira Kera û Banê Elî yên bejahiya gundê Gundikê Remo jî dar tên birîn.
Li van deveran heta niha li gorî gotinan bi hezaran dar hatine birîn. Dar ji alîyê cerdevanan ve tê firotin. Disa tê gotin ji bo van deveran qedexe heye û têketina van deveran di destê leşkeran de ye.
Gelê Şirnexê jiber birîna daran nerazîbûnên xwe nîşan dan. Kesekî got “Bi hezaran dar bi motoran birîn. Kalekol çêkirin, xilas kirin lê hêj birîna daran didome. Xweza bê nefes dimîne.”
Salên borî jî şîrketeka bi navê Cîner ku nêzikî hukumetê ye, li çîyayê Cudî li ser sedema “xebatên madenan” xweza qetil kiribû.