Li bajarê Çewlikê yê Bakurê Kurdistanê danê sibehê erdhejeke bi tundiya 4,8 pile çêbû ku li hejmarek bajarên din jî bû sedema tirsê.
Serokatiya Afat û Rewşên Lezgîn AFADê ragihand ku li navçeya Yedisu ya Çewlikê li demjimêr 02:28an erdhejeke bi hêza 4,8 rû daye.
Hate ragihandin ku li bajarên Diyarbekir, Xarpêt, Meletî, Dêrsim, Batman û Erziromê jî hest bi erdhejê hatiye kirin.
Parêzgariya Çewlikê eşkere kir ku li gorî lêgerîn û lêkolînên wan ti ziyaneke canî û madî di encama wê erdhejê de çênebûye.