Navenda Nûçeyan- Doh bi şev derdora demjimêr 22.30an li fewca 20 a artêşa Tirkîyê ya li Rihaya Bakurê Kurdistanê, teqînên bihêz rû dan.
Parêzgarîya Rihayê jî bi daxuyanîyekê aşkere kir ku li cebilxaneya li devera leşkerî ya wî bajarî 2 teqînan rû dane.
Di daxuyanîyêde hatîye gotin ku di encama wan teqînan de 14 serbaz birîndar bûne.
Wezareta Berevanîyê ya Tirkîyê jî derbarê bûyerê de daxuyanîyek belav kir û ragihand ku di depoya çekên sivik de li fewca 20 a li bajarê Rihayê ji ber sedemeke ne dîyar rû daye.
Herwiha di daxuyanîyê de hatîye gotin ku ew şewata ku di encama teqînê de rû daye hatîye kontrolkirin û hemû bergirîyên emnî li wê deverê hatine girtin.
Herwiha hatîye aşkerekirin ku li ser teqînê lêpirsîn hatîye destpêkirin.