Navenda Nûçeyan- Tevî belavbûna wê hêza mezin a ewlekarîyê li dora qadên xwepêşanderan, biryare îro xwepêşandana milyonî li Bexdayê birêve biçe û xelikên parêzgehên başûr û naverast jî, dixwazin di xwenîşandanên îro yên li paytextê de beşdar bin. Herwaha dibe ku xwepêşander ber bi navçeya Kesk ve biçin.
Navçeya Kesk dikeve naverasta paytext Bexdayê û piranîya balyozxane û fermangehên giring ên hikûmeta Iraqê li wê deverê ye. Li wê navçeyê naha bi hezaran leşker lê heye.
Ji alîyê din ve Qeys Xezelî, emîndarê gruba Esayîb Ehlulheq ragehand, xwenîşandanên îro karê têkderaneye û gelek xelk têde bê bên kuştin.
Li Kerbela pevçûn di navbera xwenîşanderan û hêzên ewlekarîyê de durist bû. Ji alîyê hêzên ewlekarîyê ve rêya serekî ya di navbera Kerbela û Bexdayê hat daxistin. Polîsê parêzgehê jî dest bi lêkolînê kuştina çalakvan Fahim Tayî kir ku berî dû rojan ji alîyê çekdarên nenas hat kuştin.
Çavkanî: Basnews