Li bajarê Batmanê yê Bakurê Kurdistanê, polîsan bi ser navnîşanekê de girt û încîleke dîrokî ya destnivîsî ku ji muzexaneya bajarê Helebê ya Sûriyê hatibû dizîn destser kirin.
Hat diyarkirin ku încîla ku hatiye desteserkirin bi xetê Ibranî ye û li ser çermê xezalê hatiye nivîsandin.
Navenda Emniyeta Batmanê ragihandiye ku wan piştî bidestxistina agahiyan li ser anîna wê încîla dîrokî ji aliyê qaçaxçiyan ve, operasyonek li Şehîtkamil a Batmanê encam daye û ew încîla dîrokî û giranbiha hatiye desteserkirin.
Hat ragihandin ku di operasyonê de 3 kesên gumanbar jî hatine binçavkirin.
Derbarê bihayê wê încîlê de jî hatiye gotin ku texmînî zêdetirî 1 milyon dolaran dike.