Navenda Nûçeyan- Li gor daxuyanîya Şaredarîya Bajarê Mezin a Wanê, li navçeyên Bahçesaray, Şax, Payîzava, Saray, Bêgir, Elbak û Westanê rêyên 270 gund, mezra û avahîyan ji ber berfê hatine girtin. Hat ragihandin ku tîmên paqijkirina rêyan jî li ser kar û xebatên xwe yên vekirina rêyên girtî berdewam in.
Li parêzgeha Colemêrgê ya Bakurê Kurdistanê berfa zêde bandoreke nerînî li jîyana rojane ya welatîyan kirîye. Ji ber berfê rêyên 141 gund û mezrayan hatine girtin, herwiha rêya navbera Colemêrg û Şirnexê jî hat girtin.
Li parêzgeha Bedlîsê jî rêyên 80ê gund û mezrayan ji ber berfê hatine girtin. Kar û xebatên tîmên ser bi Rêveberîya Taybet a Bajêr bo vekirina rêyan didomin. Li gor keşnasîyê, tê çaverêkirin ku berf û baran nav bi nav li wan parêzgehan bibare.
Rûdaw