Navenda Nûçeyan - Şeva borî li taxa Fatîh ya bajarokê Çinar yê parêzgeha Dîyarbekirê di navbera du malbatan de li ser erd û zevîyan şer derket.
Li gorî medyaya Tirkîyê, di wî şerî de 3 kes hatin kuştin û 11 kes jî birîndar bûn ku birîna du kesan giran e.
Li ser agahdarkirina alîyên peywendîdar tîmên tendirûstîyê çûn cihê rûdan. Li alîyê din otomobîla ku birîndar hilgirtibûn di rê de wergerîya. Birîndarên herdû rûdanan bi ambûlansan birin nexweşxaneya Çinarê.
Taxa ku şer lê qewimîbû, ji alîyê hêzên ewlehîyê ve hat dorpêçkirin.