Ji ber barana zêde demjimêr 18:00ê êvara roja Yekşemê 12ê Tîrmehê li gundê Gezgezê ku 28 kîlometre dûrî navenda bajarê Agirî ye, lehî rabû.
Zarokekî 12 salî bi nave Ali Osman Eytemiş ku ligel birayê xwe yê 10 salî bi navê Murat pez diçêrandin, dema hewl dida ajelên xwe biparêze daku zerar negihe wan, ket ber lehîyê û wenda bû.
Tîmên bi hewarveçûnê û AFADê dest bi hewldanên xwe kirin daku wî zarokî bibînin. Di encam de termê wî zarokî li gundê Mele Osman hat dîtin ku 8 kîlometre dûrî cihê bûyerê bû.
Bi armanca lêkolînê termê wî zarokî bo Nexweşxaneya Dewletê ya Agirî hat veguhestin.