Navenda Nûçeyan- Li şûna hevşaredarên Kop, Gimgim û Erentepeyê, navçeyên Mûşê û şaredarê Ûrlaya Îzmîrê qeyûm hatine tayînkirin.
Hevşaredarên Kop û Gimgimê di çarçoveya lêpirsînekê de hatibûn desteserkirin ku Serdozgerîya Komarî ay Mûşê bi rê ve dibe. Hevşaredar hîna jî desteserkirî ne. Wezareta Karûbarên Navxweyî vê sibê Hevşaredarê Kopê Adnan Topçû, Hevşaredara Gimgimê Ulku Karaaslan û Hevşaredarê Erentepeyê Dilaver Kesik ji wezîfeyê avêtîye.
Wezaretê her weha Şaredarê Ûrlaya Îzmîrê jî ji wezîfeyê avêtîye ku bi tohmeta “endamê Rêxistina Terorê ya Fethulahîyan (FETO)” ye hatibû girtin.
Li şûna Hevşaredara Gimgimê Qaymeqamê Gimgimê Ertûgrûl Avci, li şûna Hevşaredarê Kopê û Hevşaredarê Erentepeyê Qaymeqamê Kopê Mehmet Îlîdî û li şûna Şaredarê Ûrlayê jî Qaymeqamê Ûrlayê Onder Can weke qeyûm hatine tayînkirin.