Navenda Nûçeyan - Parêzgarîya Bedlîsê di daxuyanîyekê de aşkere kir ku li gundên Kisikli, Dirlik, Suboyu, Kepenek, Donertaş, Sallica, Aktoprak, Yorgalar, Yumrukaya, Uçankuş, Çorekli, Boblesur, Teknecik û Beşikli û mezrayên girêdayî wan gundan ser bi navçeya Tetwanê ve qedexeya derketina derve hat ragihandin.
Her li gor wê daxuyanîyê, bi hinceta ku dê operasyoneke leşkerî li wan gundan li dijî gerîlayên PKKê bê destpêkirin biryara qedexê hatîye dayîn.
Li gor daxuyanîya parêzgarîya qedexeya hatinûçûnê li wan gundên navborî îro dest pê kirîye û dê heta demeke nedîyar berdewam be.