Kurdên Swêdê îro li Stockholmê li dij dagirkerî û êrîşa dewleta Tirkiyê ya hov mitîng li dar xistin. Mitîng ji nav bajêr, ji parka Humlagården destpê kir û heta ber Konsolosxaneya Tirkiyê berdewam kir.
Li ser navê Sosyal Demokratan dostê kurd yê qedîm Thomas Hammarberg û parlamenterê Kurd Serkan Kose beşdarî xwepêşandanê bûn û peyivîn. Serokê partiya çep ya Swedê Jonas Sjöström û gelekên din jî axaftin kirin...
Li gel kurdan, gelek Swêdî, Afrîkî, Amerika Latînî, Yunanî, Afganî û miletên din di mitîngê de hebûn. Grubek Afghanî ku beşdarî xwepêšandanê bûn û digotin me dizanî rewşa Kurd û Kurdistanê xerab e lê me ne dizanî ewqesî xerab e. Koma Afganî digotin: Em îro li vir in ji bo em piştgiriya xwe nîşanî gelê kurd bidin û dagirkeriya Tirkiyê şermezar bikin.
Gelek kesayetên kurd li Mitingê bûn, hemûyan heman tiştî digotin: "Em îro li vir in ne ji bo hêz û partiyan bifikirin, agirê ku li mala me xistine, zarokên me bi hawayekî hovane dişewitinin, şermezar bikin...
Roza Kurd / Rûpela Nû - Stockholm