Navenda Nûçeyan- Di konferansê de ezmûna herêmî ya Kurdên Sûrîyê li Bakur Û Rojhilata Sûrîyê hat gotûbêj kirin, bi taybet piştî ku leşkerê Tirkîyê û grûbên çekdar yên girêdayî wê roja 9î Oktobera 2019an êrişî ser herêmê kirbû.
Di konferansê de gelek sîyasetvan, çalakvanên mafên mirovan, parlamenter û rojnamevanên Kurd û bîyanî beşdarî di konferansê de kirin.
Ji herêma Bakur û Rojhilata Sûrîyê û nûnerên Rêveberîya Xweser jî hatbûn konferansê.
Di roja yekem ya konferansê de Wezîrê Karên Derve yê berê yê Fransa û Hevserokê Rêxistina Doktorên Sînornenas Dr. Bernard Kuchner jî, beşdarî konferansê bûbû û di roja yekê ya konferansê de, peyvek pêşkeş kir û got:
“Bûyerên li Bakur û Rojhilata Sûrîyê diqewimin ji derveyî hovitîyê ne tiştek din e." Kûşner herwiha got, "piştgirîya me ji bo Kurdan mayînde ye û nirxên ku Kurd diparêzin nirxên Ewrupayê ne jî.”
Jibo danûstendinên li ser encam, pêşnîyar û giringîya konferansê di vî demî de bernama "Hello Washington" mêvandarîya Newaf Xelîl Rêveberê Navenda Lêkolînên Kurdî li Almany û Salah Îlmdar, endamê polîtbîrûya partîya Yekîtî– Wahdê kir.
Her du mêvan konferans di bernamê de nirxandin û li dawîyê pêşnîyar û armancên konferansê anîn ser ziman.
Çavkanî: Dengê Amerîka