Komîsyona Bilind a Serbixwe ya Hilbijartinan a Iraqê encamên hilbijartinên Parlamentoya Kurdistanê pesend kir û daxuyaniya nivîskî ji Serokatiya Herêma Kurdistanê re şand.
Berpirsê Hilbijartinên Parlamentoya Kurdistanê li Komîsyona Bilind a Serbixwe ya Hilbijartinan a Iraqê Neberd Omer di daxuyaniyekê de ji K24ê re ragihand, îro Yekşemê 24ê Mijdara 2024an, Encûmena Komîsyaran a Komîsyona Hilbijartinan a Iraqê encamên hilbijartinên dewra 6an a Parlamentoya Kurdistanê pesend kir.
Neberd Omer diyar kir ku encamên pesendkirî wê bi nameyeke fermî pêşkêşî Serokatiya Herêma Kurdistanê bikin.
Komîsyona Bilind a Serbixwe ya Hilbijartinan a Iraqê biryar li ser her 41 nerazîbûnên derbarê hilbijartinên 18ê Mijdarê yên Parlamentoya Kurdistanê da.
Roja Pêncşemê 31.10.2024ê nerazîbûn li ser encamên hilbijartinên Parlamentoya Kurdistanê dest ê kir û bi giştî 41 îtîraz ji aliyê partiyên siyasî ve hatin pêşkêşkirin, li Silêmaniyê 25, li Hewlêrê 12, li Duhokê 3 û li Helebceyê jî 1 nerazîbûn.
Hejmara dengên partiyên siyasî li gorî encamên hilbijartinê:
Partiya Demokrata Kurdistanê (PDK): 809 hezar û 172 deng
Yekîtiya Niştimaniya Kurdistanê (YNK): 408 hezar û 141 deng
Tevgera Newey Nwe: 290 hezar û 991 deng
Yekgirtûya Îslamî ya Kurdistanê (Yekgirtû): 116 hezar û 981 deng
Civaka Dadweriya Kurdistanê (Komel): 64 hezar û 710 deng
Tevgera Helwest: 55 hezar û 775 deng
Eniya Gel: 33 hezar û 365 deng
Hevpeymaniya Herêma Kurdistanê: 12 hezar û 929 deng
Tevgera Goran: 11 hezar û 621 deng
Tevgera Îslamî ya Kurdistanê: 5 bib 503 deng
Hejmara kursiyên partiyên siyasî li gorî encamên hilbijartinê:
PDK: 39 kursî
YNK: 23 kursî
Newey Nwe: 15 kursî
Yekgirtû: 7 kursî
Helwest: 4 kursî
Komel: 3 kursî
Eniya populer: 2 kursî
Goran: 1 kursî
Hevpeymaniya Herêma Kurdistanê: 1 kursî
Kota: 5 kursî