Hêza Deryayî ya Cebel Tariq bi hevkariya hêzên taybet ên Brîtanyayê dest bi ser keştiyekê de girtine, ku petrola Îranê ji bo Sûriyê vediguhest.
Li gor zanyariyên ku berpirsên hikûmeta Cebel Tariq belav kirine, navê keştiyê Grace 1 bûye û ala Panamayê li ser hatibû bilindkirin û hilgirê du milyon bermîlên petrolê ye.
Hêzên deryayî yên Cebel Tariq bi alîkariya hêzên taybet ên Brîtanyayê, îro pêncşemî 4ê Tîrmeha 2019an de bi dûriya 4 kîlometran ji sînorên Cebel Tariq, dest bi ser wê keştiya petrolê de girtine.
Berpirsên Cebel Tariq dibêjin, zanyarî gihîştine destê wan ku wê keştiyê ambargoyên Yekîtiya Ewropayê bo ser Sûriyê binpê kiriye.
Serokwezîrê Cebel Tariq, Fabian Picardo ragihandiye: “Sedem hene ku em bawer bikin Grace 1 petrola xav bo parzûngeha Baniyas a li Sûriyê vediguhest.”
Destdanîna wê keştiya veguhastina petrolê di demekê de ye, ku Amerîka ambargoyên giran li ser Îranê sepandiye û ew ambargo sektora petrola Îranê jî li xwe digrin.
Amerîka Haberleri
RAPOR | Amerîkayê binpêkirinên li Sûriye û Rojavayê Kurdistanê eşkere kir
Televîzyona Îsraîlê: Kabîneya Şer biryar da ku bersivê bide êrişa Îranê
Wê bombeyên atomî li F-35an bên montekirin
Senatoya DYAyê pêşnûmaya rawestandina frotina F-16 ya ji Tirkiyeyê re red kir
Kompanyayên navdewletî ji Tirkiyeyê vedikişin