Navenda Nûçeyan - Jêderekî ji Dezgeha Rewşenbîrî û Ragihandinê ya Partîya Demokrat a Kurdistanê (PDK) ronîkirinek derbarê kesê li Lîbyayê hatîye desteserkirin de belav kir û ragihand, ew kes ne dûr û ne nêzîk pêwendîya wî bi PDK û Leşkerê Roj re nîne. Rastîyan ji her alîyekî re aşkere dibin û wek her dem jî rûreşî ji çavpoşan re dimîne.
Di ronîkirina wî jêderê ji Dezgeha Rewşenbîrî û Ragihandinê ya PDKê de hatîye: Derbarê girtina kesekî çete li Lîbyayê de, ku berî çend rojan hejmarek ji malper û medyaya Kurdî di hilmeteke nerewa de ji bo lekedarkirina PDK û Leşkerê Roj ê Qehreman bikar tînin.
Ew jêder tekez dike: Ew kesê li Lîbyayê hatîye girtin û bi awayekî gûmanî nasnamya jê re hatîye çêkirin, dûr û nêzîk pêwendîya PDK û Leşkerê Roj ê Qehreman pê re nîne û ew ti carî û ji bo yek xulekê jî nebûye Pêşmerge.
Herwiha dibêje: Ew şer û nakokîyên ji li Lîbayê rû didin, ji encama milmilaneya navdewletî ye û ti pêwendîya wê bi armanc û sîyasetên PDKê ve nîne. Şerm e ku ji bo lekedarkirina navê Pêşmerge û PDK tiştek bê kirin ku ji bingeh ve ti pêwendîya Kurd ve nîne. Ew nîşana îflasa sîyasî, exlaqî û bîrewerî ye.
Amaje bi wê jî da, Heger propagandeyên derbarê wî kesî de rast bana û ew Pêşmerge ba (ku ti bingeheke wê nîne) ew hemû alî baş dizanin ku dîroka şoreşên Kurd rû daye ku kesek ji nava şoreşê bûne, lê nepakî kirine û ji rêza şoreş û Pêşmerge çûna nava rêzên dijmin.
Ew jêderê ji Dezgeha Rewşenbîrî û Ragihandinê ya PDKê tekez dike: Leşkerê Roj ê Qehreman bi dehan şehîd di şerê li dijî teroristan de dane. Bi qehremanane berevanî li xaka Kurdistanê kirine. Dema qehremanên Leşkerê Roj di şerê têkşikandina dijmin li Pirdê û Sihêla beşdar bûn, xelkekî din xak difirotin û çeteyên dijminan bûn.
K24