Serokê Amerîkayê Joe Biden li Taxa Greenwood ya Tulsa ya eyaleta Oklohamayê, bi kesûkarên reşikên bi hestên nijadperestî sed sal berê ji aliyê çermespiyan ve hatine komkujkirin re civîya.
Biden bi sê kesên dema komkujîyê li wir bûn; Viola Fletcher, Hughes Van Ellis û Lessie Benningfield Randlre hevdîtin kir. Serokê Amerîka herwiha li Tulsa sedana muzeyeke komkujîyê jî kir.
Joe Biden di çalakîya salvegera 100an ya komkujîyê de qurbaniyên komkujiyê bibîr anî û got, “Tiştên li vir qewimîne di dîrokê de demeke dirêj bi awayekî bêdeng hatin gotin. Ew ne serhildanek bû. Ew komkujîyek bû û yek ji yên herî xirab yên dîrokê bû.”
Biden herwiha destnîşan kir ku hin neheqî ji ber giranîya wan tevî hemû helwestan jî nikarin bên veşartin û got, bûyerên Greenwoodê, komên ku 4 sal berê li Virginia bo serdestîya spîyan çalakî li dar xistine û êrîşên dijî Kongesê dişibin hevdu.
Serokê Amerîka dîyar kir ku nijadperestên spî ji bo Amerîka ji Dewleta Îslamî (DAIŞ) û El-Qaîdê xirabtir in.
Biden roja Duşemê jî bang li Amerîkîyan kiribû ku dijî nijadperestîya sîstematîk bi awayekî berfireh têkoşînê bikin.