Serokê Giştî yê PAKê (Partîya Azadîya Kurdistanê)Birêz Mustafa Özçelik, bi minasebeta lidarxistina Kongreya 2em a PSKyê nameyeke pîrozbahîyê ji Serokê Giştî yê PSKyê (Partîya Sosyalîst a Kurdistanê) Birêz Mesûd Tek re şand. Ev jî teksta vê nameyê ye:
“Jibo Serokê Giştî yê PSKyê Birêz Mesûd Tek
Serokê Birêz
Di demeke hesas a ku li welatê me û li Rojhilata Navîn rûdanên girîng rûdidin de, PSKyê Kongreya xwe ya 2em li dar xist û cenabê we jî careke din wek Serokê Giştî yê PSKyê hat hilbijartin.
PSK di doza azadîya welatê me de, cîhekî xwe yê girîng heye. Jiber careke din hilbijartina cenabê we ya jibo Serokatîya PSKyê, ez li ser navê xwe û li ser navê hemû rêvebir û endamên partîya me, cenabê we û Kongreya we pîroz dikim.
Em di wê bawerîyê de ne ku biryarên Kongreya we jibo pêşdebirina peywendîyên di navbera partîya me û partîya we de û herweha jibo pêşdebirina hevkarî û tifaqeke berfireh ya netewî û demokratîk de dê roleke girîng bilihîzin.
Bi vê bawerîyê, serkeftinê ji cenabê we û ji hemû rêvebir û endamên partîya we re dixwazim.
Li gel rêzên xwe”
01.03.2020
Mustafa Özçelik
Serokê Giştî yê PAKê