Navenda Nûçeyan - 10 hunermendên Kurd ên ji her perçeyên Kurdistanê, ji bo Zazakî ku Rêxistina Perwerde, Zanist û Çandê ya Neteweyên Yekbûyî (UNESCO) xistîye nav lîsteya “Atlasa Zimanên Jêr Metirsîyê yên Cîhanî” (Atlas of the World’s Languages in Danger), hatin ba hev û albumek nû derxistin.
Hunermendên navborî çend berhemên nivîskarê Kurd Kadir Buyukkaya ku niha li Holandê dijî, weke albûm belav kirin.
Albûm ji alîyê Enstituya Kulturî ya Kurd-Alman (Deutsch- Kurdisches Kulturinstitu) ve hate amadekirin û Hakan Akay aranjor û produktoruya albûmê kirîye.
Hunermendên di albûmê de cih girtine û stranên hatine xwendin ev in: Beser Şahin: Şewê Dergî (Şevên Dirêj), Gulseven Medar: Wazena (Dixwaze), Hanî Mojtehedî: Yara Mi (Yara Min), Kerem Sevinç ve Tara Mamedova: Se Vajî (Çi Bibêjim), Mehmet Akbaş: Xalê Mi (Xalê Min), Mikaîl Aslan: De Vajê (Dê Bibêje), Rojda: Nameyê Keyneke (Navê Keçkê), Sasa: Ewro-Meşt (Îro-Sibe) ile Xumxumê (Dilber) ve Xêro Abbas: Sewl Teng o (Sola Teng).